Бэс ыйын 5 күнүгэр Бороҕон нэһилиэгэр Уус-Алдан улууһугар Түмсүү уонна бииргэ буолуу сылын чэрчитинэн Уус-Алдан улууһун Аҕа баһылыктарын табаарыстыы көрсүһүүлэрэ тэрилиннэ. Киирии аркаҕа Тумул орто оскуолатын о5олоро, «Көмүлүөк» үһүс саас оскуолатын чилиэннэрэ, «Аал уот» а5ам саастаахтар түмсүүлэрэ арыылаах алаадьынан, кыынньа сылдьар кымыһынан айах тутан көрүстүлэр. «Түмсүү» НАК фойетыгар А. Р. Халдеева аатынан олохтоох библиотека сэбиэдиссэйэ Прудецкая С. А. «Культура-духуобунас сайдыыта»-кинигэ быыстапкатын туруорда. Ону таһынан культура сылынан уус-уран оҥоһуктар быыстапкаларын туруордулар «Көмүлүөк» үһүс саас оскуолатын талба талааннаахтара. Тэрээһин улуус А5а баһылыга Алексеев В. П. салайааччылаах сүбэ мунньахтан саҕаланна, инники үлэ былааннарын торумнастылар, үлэ опытыттан үллэһиннилэр. Ол кэннэ И. А. Халдеев аатынан спорт саалаҕа спорт араас көрүҥнэригэр күрэхтэстилэр. Күрэх парадтаан киирииттэн саҕаланна, таайсыы быһыытынан 3 хамаандаҕа арахсан дартс, салгын саанан ытыы, волейбол, канат тардыһыытыгар күрэхтэстилэр. Күрэх түмүгүнэн 1 миэстэни ылла «Дохсун» хамаанда-а5а баһылыктар Егоров С. И., Белобский М. И., Ильин И. П., Свешникова Л. М., Попов Н. Н., Егоров А. В., Васильев П. В. 2 миэстэ «Боотур» хамаанда-аҕа баһылыктар Копырин К. М., Домотов М. И., Карманов Ф, А., Артамонов И. И., Румянцев П. Ф., Ущницкий А. А. Бурцев В. В. 3 миэстэ «Дьулуур» хамаанда-аҕа баһылыктар Бурнашев П. Е., Винокуров С. В., Слепцов П. А., Петров В. Н., Лукаческай Н,Н., Сивцев Н. Н., Баишев В. П. Киэһэ «Түмсүү» норуот айымньытын киинигэр Уус-Алдан улууһун аҕа баьылыктара, нэһилиэктэр талба талааннаахтара түмсэн эҕэрдэ кэнсиэри көрөөччүлэргэ бэлэхтээтилэр. Кэнсиэр торжественнай чааһыгар улуус Аҕа баһылыга Алексеев В. П. эҕэрдэтэ, күрэх кыайыылаахтарын наҕараадалаатылар. Улууспут сайдыытыгар үлэлии-хамсыы, айа-тута сылдьар аҕа баһылыктар тэрээһиннэриттэн көрөөччүлэр астынан, дуоһуйан ытыстарын тыаһын бэлэхтээтилэр, инникитин да биир сомоҕо буолан улуус сайдарын туһугар күүрээннээх үлэни, тулууру-дьулууру баҕардылар.
