Ыам ыйын 15 күнүгэр «Олоҥхо Дьиэтэ» этнокультурнай кииҥҥэ Арассыыйаҕа норуоттар сомоҕолоһууларын, Саха сиригэр культура сылларынан өрөспүүбүлүкэтээҕи «Куйаар далай түһүлгэ» ыччаттарга оһуохай күрэҕэ тэирлиннэ. Биһиги нэһилиэктэн «Түмсүү» норуот айымньытын киинин уус-уран салайааччыта Лилиана Петухова кытынна. Уопсайа оһуохай күрэҕэр Уус-Алдан улууһун нэһилиэктэриттэн 8 кыттааччы илин-кэлин түһүстүлэр. Дьүүллүүр сүбэҕэ үлэлээтилэр Саха сирин үтүөлээх этээччилэрэ Никитина Нь. В., Алексеева М. К., Саха сирин үтүөлээх кынатчыта Готовцева М. Г. Көрүү түмүгүнэн 1 миэстэни ылары ситистэ Сыырдаах нэһилиэгиттэн Кондратий Герасимов, 2 миэстэни ылла Лилиана Петухова, 3 миэстэ Өнөр нэһилиэгиттэн Анна Макарова, кыайыылаахтар бирииһинэн, грамотанан наҕараадаланнылар. Маны таһынан кыттааччыларга анал ааттар, бириистэр туттарылыннылар. Күрэх кэннэ илин эҥэр улуус оһуохайын сөпкө хаамыыга, тылыгар-өһүгэр Мария Сивцева, Ньургуйаана Никитина маастар кылаастары ыыттылар. Күрэх түмүгүнэн 3 кыайыылаах этээччилэр улуус чиэһин көмүскүү өрөспүүбүлүкэтээҕи күрэххэ кыттыахтара, маны таһынан Аммаҕа ыытыллар Илин Эҥэр түөлбэ оһуохайын күрэҕэр ыҥырылыннылар. Эдэр кэскиллээх этээччибитигэр Лилианаҕа ситиһиилэри баҕарабыт.
