Алтынньы ый 17 күнүгэр Элэһин, Арыы-Тиит уч. олохтоохторун кытта сомоҕолоһон Саха республикатыгар Ийэ күнүн көрсө, Уус-Алдан улууһугар түмсүүлээх буолуу уонна бииргэ үлэлээһии сылынан Ийэ күнүгэр аналлаах истиҥ, иһирэх тэрээһин ыытылынна. Дьоро күн алгыс сиэриттэн-туомуттан саҕаланна, алгысчыт- Саха Республикатын культуратын туйгуна, Суоттутааҕы «Мичээр» сынньалаҥ киин уус-уран салайааччыта Борисова Устинья Анатольевна. Күн күбэй ийэлэргэ анаан түмсүү оһуохайа тэрилиннэ, оьуохайдьыт- СР үтүөлээх этээччитэ, Саха Республикатын культуратын туйгуна, Хоноҕор сынньалаҥ киинин уус-уран салайааччыта Валентина Сергеевна Бубякина. Саха сирин ийэлэрин күнүгэр аналлаах бэсиэдэ дьон болҕомтотун тарта. Бэсиэдэни оҥордо Хоноҕордооҕу олохтоох библиотека сэбиэдиссэйэ Ирина Аркадиевна Осипова. Тэрээһинтэн үөрэ-көтө дуоһуйа сынньанан, инникитин өссө бииргэ үлэлэһэр былааннаах тарҕастылар.
Саха буолар саргыбытын салайсыаҕын, төрүт буолар төлкөбүтүн түстүөҕүн.
