Балаҕан ыйын 22 күнүгэр нэһилиэкпитигэр «Күн дьонун мичээрэ» оҕолорго аналлаах программалаах «Доктор Клоун» цирк кэлэн кырачааннары сэргэхситтилэр. Цирк уус- уран салайааччыта Саха Өрөспүүбүлүкэтин үтүөлээх артыыһа Александр Березкин. Шоу программаҕа көрдөөх клоуннар «Сашуля уонна Стасян», киинэ уонна ойуулук дьоруойдара үҥкүүһүт «Бэтмен», «Оптимус Прайм», аптаах фокустар, бэһиэлэй оонньуулар о5олор интэриэстэрин тартылар. Ону тэҥэ минньигэс сахарнай баата, попкорн атыылаатылар. Клоун «Сашуля» тута араас быһыылаах фигуралары шаригынан оҥорон кыра көрөөччүлэри өссө үөртэ. Оҕолор сөбүлүүр геройдарын кытта долгуйа хаартыскаҕа түһүүнэн түмүктэннэ. Маннык уустук цирковой жанр артыыстара нэһилиэктэри кэрийэн кырачаан көрөөччүлэргэ цирка кэрэ эйгэтин билиһиннэрэллэрэ, бэлэхтииллэрэ махталлаах суол.
