Ахсынньы ый 31 күнүгэр «Түмсүү» сынньалаҥ киинигэр «Үтүө санаа харыйата» бырааһынньыктааҕы тэрээһин ыытылынна. Дьоро күн 2024 сылга Бороҕон нэһилиэгэр саҥа төрөөбүт оҕолорго, СВО кыттыылааҕа Неустроев Митрофан Николаевич оҕотугар, доруобуйатынан хааччахтаах оҕолорбутугар анаан нэһилиэк тэрилтэлэрэ Саҥа Дьыллааҕы бэлэхтэрин туттардылар, эҕэрдэ тыллары анаатылар. Кырачаан оҕолорбут төрөппүттэрэ үөрэн-көтөн, махтанан уопсай хаартыскаҕа түһүүнэн тэрээһини түмүктээтилэр.
