Ыам ыйын 1 күнүгэр «Түмсүү» сынньалаҥ киинигэр Үлэ, Эйэ, Маай бырааһынньыгар уонна Аан дойдутааҕы үҥкүү күнүгэр аналлаах үгэс быһыытынан ыытыллар «Үҥкүү алыбар уйдаран» үҥкүү дьоро киэһэтэ тэрилиннэ. Бырааһынньыктааҕы киэһэҕэ кыттыыны ыллылар Тумул орто оскуолатын оҕолорун «Күндээр» үҥкүү ансаамбылын кыра, орто, улахан бөлөх оҕолоро. Сал. Иванова Е. Д. «Чөмчүүнэ» үҥкүү бөлөҕө, сал. Аржакова Е. А., «Дьиэрэҥкэй» ыччат үҥкүү бөлөҕө, «Аал уот» аҕам саастаахтар түмсүүлэрин үҥкүүһүттэрэ сал. Барашкова В. Н. Үҥкүү киэһэтигэр бииртэн биир кэрэ, сонун үҥкүүлэри көрөн, көрөөччүлэр астынан-дуоһуйан, ытыстарын тыаһын бэлэхтээтилэр.
