Сэтинньи 29 күнүгэр «Түмсүү» сынньалаҥ киинигэр Олоҥхо уонна Хомус декадатын чэрчитинэн «Өбүгэ ситимин удьуордаан» фольклор дьоро киэһэтэ тэрилиннэ. Саха төрүт үгэһин тутуһан ырыа-тойук ылланна, хомус дьурүскэн дорҕооно дьүрүһүйдэ, саха норуотун тылынан уус-уран айымньытын саамай үрдүкү чыпчаала омуннаах олоҥхо этилиннэ. Бу киэһэҕэ кыттыыны ыллылар: «Татыйык» фолькорнай ансамбль сал. Габышева Т. Г, «Далбар» дьахталлар ансаамбыллара сал. Копырин В. К, «Дьүрүлгэн» фольклорнай бөлөх сал. Габышева Т. Г, «Үрүйэчээн» 3 кыл фольклорнай бөлөҕө сал. Петрова В. П, «Арылы» 2 кыл олоҥхо толорооччуларын бөлөҕө сал. Сокольникова А. С., Аввакумова Л. М., «Тумулчаана» уһуйаан иитиллээччилэрин олоҥхо бөлөҕө, сал. Алексеева Нь. П., Петухова П. М., ону таһынан биирдиилээн ырыаһыттар норуот ырыаларынан киэһэни киэргэттилэр. Тэрээһин күргүөмүнэн оһуохайынан, уопсай хаартыскаҕа түһүүнэн түмүктэннэ.
