Бэс ыйын 14 күнүгэр бөдөҥ общественнай-политическай деятель, саха ааттаахха аар саарга аатырбыт улуу сэһэнньит, олоҥхоһут, билэчиэк Алексей Аржаков-Сэһэн Ардьакыап сүдү аатыгар сүгүрүйэн пааматынньык туруорулунна. Тэрээһин Сэһэн Ардьакыап оҕо сааһа ааспыт «Собоһут аартыга» ытык сиригэр көҥүл ылыы алгыһыттан саҕаланна, алгысчыт кыраайы үөрэтээччи Сокольникова А. С. Кэлбит ыҥырыылаах ыалдьыттары «Көмүлүөк» үһүс саас оскуолата, «Аал уот» аҕам саастаахтар түмсүүлэрэ кыынньа сылдьар уохтаах кымыһынан, алгыстаах алаадьынан, сылаас саламаатынан күндүлээтилэр. Ол кэннэ олохтоох дьаһалта дьиэтин иннигэр Сэһэн Ардьакыап пааматынньыгын үөрүүлээх аһыллыыта ыытылынна. Бэлиэ күн алгыс сиэрэ-туома оҥоһулунна, алгысчыт Васильев Иван Герасимович-Алгыс Уйбаан. Аалай кыһыл лиэнтэни быстылар Бороҕон нэһилиэгин аҕа баһылыга Алексеев В. П., бырайыак ааптара, меценат, биир дойдулаахпыт Алексеев П.С., Сэһэн Ардьакыап олоҕун үөрэтээччи, биир дойдулаахпыт Петухова З. И., техническай наука доктора, Саха республикатын научнай академиятын чилиэнэ, Саха республикатын наукатын үтүөлээх деятеля Лепов В. В. Бэлиэ күн «Айыллан» норуот тыйаатырын артыыстара Сокольникова А. С. суруйбут «Өбүгэ ситимэ» хоһоонугар, Ньургун Бэчигэн ааҕыытыгар дьүһүйүүнү көрдөрдүлэр, «Күндээр» оҕо үҥкүү ансаабыла «Дьөһөгөй» үҥкүүнэн киэргэттилэр. Тумул орто оскуолатын 2 кылааһын үөрэнээччилэрэ олохтоох автор Сэһэн Ардьакыап аатын өрө көтөҕүүгэ дириҥ кылаатын киллэрбит, Бороҕон нэһилиэгин ытык олохтооҕо Надежда Алексеевна Аржакова-Иванова айымньытынан Сэһэн туһунан монтаж аахтылар. «Түмсүү» сынньалаҥ киинигэр Дьокуускайдааҕы национальнай архыып специалиһа, биир дойдулаахпыт Алексеева М. В., олохтоох библиотека салайааччы Прудецкая С. А., «Бөдөҥ общественнай деятель Сэһэн Ардьакыап үйэлэри өтө көрөн» кинигэ быыстапката, национальнай архыып фондаларыттан докуменнар, хаартыскалар быыстапкаҕа турдулар. Дьоро күн «Арылы» олоҥхо бөлөҕүн толоруутугар Сергей Васильев-Борогонскай «Мөҥүрүүр Бөҕө» олоҥхотуттан быһа тардыыны аахтылар, салайааччылар Сокольникова А. С., Аввакумова Л. М. «Айыллан» норуот тыйаатырын туруоруутугар «Сэһэн олоҕо» испэктээхтэн быһа тардыы, эҕэрдэ ырыалар, үҥкүүлэр. Сэһэн Ардьакыап туһунан ырытыылар, саҥа бэлиэтээһиннэр этилиннилэр ол курдук: биир дойдулаахпыт Сэһэн Ардьакыап олоҕун үөрэтээччи Петухова З. И., биир дойдулаахпыт, национальнай архыып специалиһа Алексеева М. В., биир дойдулаахпыт 1992-с дьаһалта баһылыгынан үлэлээбит Прокопьев В. М., биир дойдулаахпыт, проект ааптара, меценат, Алексеев П. С., оскуола 8-с кылааһын үөрэнээччитэ Поротов Витя, кыраайы үөрэтээччи Сокольникова А. С., Петр Спиридонович бииргэ үөрэммит оҕолоро 1986 с выпустар. Ыҥырыылаах ыалдьыппыт, техническай наука доктора, Саха республикатын научнай академиятын чилиэнэ, Саха республикатын наукатын үтүөлээх деятеля, оскуола мецената, Сэһэн Ардьакыап хаан сыдьаана Лепов В. В. аймахтар ааттарыттан нэһилиэк дьаһалтатыгар Алексеев В. П., бырайыак ааптарыгар Алексеев П. С. махтал тылларын анаата. Бороҕон нэһилиэгин аҕа баһылыга Алексеев В. П. күүс-көмө буолбут дьонугар-сэргэтигэр, ыҥырыылаах ыалдьыттарга өйдөбүнньүк бэлиэлэрин туттарда, махтал тылларын тиэртэ. Саха-Аймах историятыгар сүдү суолу хаалларбыт Улуу төрүппүт Сэһэн Ардьакыапка анаммыт пааматынньык кэнчээри ыччакка үтүө холобур, дириҥ суолталаах өйдөбүнньүк буола туруохтун.
