Ахсынньы 19 күнүгэр Дьокуускай куоракка П. А. Ойуунускай аатынан Саха академическай тыйаатырыгар Тумуллааҕы «Айыллан» норуот тыйаатырын артыыстара Николай Николаевич Тарскай 100 сылын түмүктүүр тэрээһиҥҥэ И. Сыроватскай «Төлкөлөөх түөрэх» испэктээхтэн пролог көрдөрөн дьон-сэргэ биһирэбилин ыллылар. Испэктээх автора прологу көрөн «Айыллан норуот тыйаатырын артыыстарыгар махтал тылларын, үтүө санааларын тириэртэ. «Өссө испэктээҕи толору туруоран, Н. Н. Тарскай аатын үйэтитэргит буоллар диэн»-баҕа санаатын эттэ. Түгэнинэн туһанан кыттыбыт артыыстарбытыгар махтал тылларын этэбит. Өссө да үтүөнү тарҕатан, чэгиэн-доруобай сылдьын.
