Сэтинньи 10 күнүгэр Мэҥэ-Хаҥалас улууһугар Г. Г. Колесов аатынан норуот айымньытын «Олоҥхо дьиэтэ» төрүттэммитэ 10 сылыгар аналлаах OLONKHO KIDS «Олоҥхо оҕолоро» аһаҕас фестивалыгар В. М. Прокопьев аатынан Тумул орто оскуолатын 8 кылааһын үөрэнээччитэ Новоприезжая Айсена Тимофеев-Теплоухов Иннокентий Гурьевич «Куруубай хааннаах Кулун Куллустуур» олоҥхоттон быһа тардыыны ааҕан 1 Үрдэл үрдүк ааты ылары ситистэ. Салайааччы Габышева Т. Г. Олонхо фестивалыгар 5 улуус кыттыыны ылла, биирдиилээн олоҥхону ааҕыыга уопсайа 17 оҕо 3 бөлөҕүнэн арахсан кытынна. Дьүүллүүр сүбэ састаабыгар Мэҥэ-Хаҥалас улууһун олоҥхо ассоциациятын чилиэннэрэ уонна республикаттан олоҥхоһут СР культуратын туйгуна, Оьуохайга Саха сирин Дархан этээччитэ В.В.Никифоров киирэн сыанабыл биэрдилэр.