Ахсынньы 7 күнүгэр Дьокуускай куорат Хатас сэлиэнньэтигэр I аһаҕас республиканскай «Дэгэрэҥ тэтимигэр уйдаран» күрэххэ биһиги нэһилиэктэн «Татыйык» фольклорнай ансамбль «Дьөһөгөйүм оҕото» попурринан кыттыыны ылла. Күрэҕи тэрийдилэр өрөспүүбүлүкэтээҕи норуот айымньытын киинэ, Дьокуускай куорат культураҕа уонна духуобунаска управленията, Дьокуускай куорат уокуругун норуот айымньытын киинэ, Киристэпиэр Махсыымап фондата, Хатастааҕы «Тускул» культура киинэ. Көрүү түмүгүнэн «Татыйык» фольклорнай бөлөх Христофор Максимов фондатын анал бэлиэтинэн Үрүҥ көмүс значогунан, Дипломунан наҕараадаланна. Күрэххэ республика араас муннугуттан уопсайа 325 кыттааччы ырыа-үҥкүү коллективтара, биирдиилээн толорооччулар күрэстэстилэр. Дьүүллүүр Сүбэ састаабыгар биир дойдулаахпыт биллиилээх дэгэрэҥ ырыаһыттары кытта Василий Новоприезжай үлэлэстэ.
