Бу дьыл, балаҕан ыйын 27 күнүгэр Элэһин учаастагар ,,Көмүс күһүн бэлэҕэ» дьаарбаҥка буолла.
Бороҕон нэһилиэгиттэн Барашков И.И. кэлэн хаппыыста, олохтоохтор бэйэлэрэ үүннэрбит оҕуруоттарын аһын атыылаатылар. Араас оҕуруот астарыгар куонкурустар ыытылыннылар, эҕэрдэ ырыалар ылланнылар.»Саамай улахан хортуоска» Алексеева М.А., «Саамай улахан моркуоп» Алексеева И.В., «Эриэккэс кабачок» Попова В.М. номинациялар кыайыылаахтара бириис туттулар. Олохтоохтор үөрэ-көтө атыылаһан, атыылаан күһүҥҥү ыраас салгынынан тыынан дьиэлэригэр тарҕастылар.
