Ыам ыйын 9 күнүгэр Элэһин учаастагар Улуу Кыайыы 80 сылын көрсө Элэһин олохтоохторо ытык сирдэригэр ,,Хардыыга » Кыайыы пааматынньыгар тахсан үөрүү-көтүү үктэллээх Улуу Кыайыы күнүн көрүстүлэр. Тэрээһин парадынан саҕаланна ,ол кэннэ Кыайыы пааматынньыгар сэрии толоонугар сырдык тыыннарын толук уурбут буойуттарга анаан кэриэстэбил веногун уурдулар. Улуу Кыайыы 80 сылын көрсө Алексеев Степан Степанович эҕэрдэлээтэ, Хардыы сириттэн төһө киһи сэриигэ барбытын ,тыыннаах эргиллибитин историятын кэпсээн билиһиннэрдэ, эдэр көлүөнэлэргэ бэйэтин баҕа санаатын алгыһын тиэртэ. Ол кэннэ эҕэрдэ кэнсиэри Элэһин алын кылааһын оҕолоро ыллаан -үҥкүлээн, хоһоон аахтылар салайааччы Алексеева. М. А. ,,Мичилий» дьахталлар түмсүүлэрэ салайааччы Попова В. М. «Катюша» үҥкүүнү толордулар уонна түмсүү чилиэннэрэ күргүөмүнэн хоһоон аахтылар. Элэһин СК үлэһитэ Ион Соловьёв ,,Кыайыы кынаттаах ветераннар» бэйэтин суруйбут хоһоонун ааҕан иһитиннэрдэ. Сэрии толоонугар охтубут буойуттары кэриэстээн сүһүөхтэригэр туран биир мүнүүтэлээх тохтобул биллэрдилэр. Түмүккэ бука бары ,,День Победы» ырыаны күргүөмүнэн толордулар, уопсай хаартыскаҕа түстүлэр. Кыайыыны уһансыбыт, тыылга үлэлээбит биир дойдулаахтарын сырдык ааттарыгар бүтүн Россиятааҕы «Өйдөбүнньүк чүмэчи» акцияҕа кыттыыны ыллылар.
