Ыам ыйын 9 күнүгэр Арыы-Тиит учаастагын олохтоохторо оскуола дьиэтигэр муһуннулар. Бырааһынньыктааҕы эҕэрдэ тыл этилиннэ, кэлбит олохтоохтору оскуола оҕолоро эҕэрдэлээтилэр. Бүтүн Россиятааҕы «Кыайыы түннүгэ» акцияҕа кытыннылар. Арыы-Тиит оскуолатын оҕолоро аҕам саастаах нэһилиэк олохтоохторугар бэйэлэрэ оҥорбут открыткаларын бэлэх ууннулар. И. В. Мигалкин «Улуу Кыайыыны уһансан» хоһоону күргүөмнээхтик ааҕыынан митинг түмүктэннэ.
