Ыам ыйын 9 күнүгэр Бороҕон нэһилиэгэр Улуу Кыайыы өрөгөйдөөх 79 сылын көрүстүбүт. Митинг Улуу Кыайыы Знамятын киллэрииттэн саҕаланна. Знамяны киллэрдилэр Тумул орто оскуолатын «Сокол» военнай-патриотическай кулууп үөрэнээччилэрэ. Үөрүүлээх тэрээһиҥҥэ Бороҕон нэһилиэгин баһылыга Алексеев В. П. эҕэрдэ тыла, нэһилиэк тэрилтэлэрэ, дьаһалта олохтообут өйдөбүнньүк бэлэхтэрин сэрии кэмин оҕолоругар, СВО кыттыылаахтарыгар, төрөппүттэригэр туттартаата. СВО кыттыылааҕар Прокопьев Г. Г. «Взятие Бахмута» ордены, эҕэрдэ суругу үөрүүлээх-быһыыга майгыга туттарда. Маны таһынан биир дойдулаахпыт Свешников И. И. ийэтигэр уолугар кэлбит «Хорсун быһыытын иһин» гвардия полковника А. С. Прокурат Махтал суругун туттарда. Сэрии кэмин оҕото, ветеран учуутал Протопопова З. И., СВО кыттыылааҕа Прокопьев Г. Г., сэрии ветеранын оҕото Васильев Ю. П. кэриэстэбил веногун киллэрдилэр, биир мүнүүтэлээх тохтобул биллэрилиннэ. Митинг эҕэрдэ ырыаларынан, үҥкүүнэн, биир дойдулаахпыт И. Мигалкин «Күүтүүлээх Кыайыыны уһансан» хоһоону күргүөмүнэн ааҕыынан түмүктэннэ. Митиҥҥэ кэлбит дьону оскуола повара Андросова А. М. минньигэс хааһытынан күндүлээтэ, нэһилиэк олохтоохторо араас ас атыытын тэрийдилэр. Салгыы киин уулуссаҕа Кыайыы эстафетата түөлбэлэр икки ардыларыгар бэрт көхтөөхтүк ыытыллан, 1 миэстэни «Эрэл» түөлбэ (спорт инстр Барашкова В. Н)., 2 миэстэни «Дьулуур» түөлбэ салайааччы Капитонова Н. П., 3 миэстэни «Үрдэл» түөлбэ (спорт инстр Иванова В. А). Эстафета кэнниттэн Дартс күрэҕэ тэриллэн 1 м ыллылар «Үрдэл» түөлбэ, 2 м «Дьулуур» түөлбэ, 3 миэстэ «Эрэл» түөлбэ. Ол кэннэ сыал ытыытын күрэҕэр 1 миэстэни ыллылар «Үрдэл» түөлбэ, 2 миэстэни «Дьулуур» түөлбэ, 3 миэстэни «Эрэл» түөлбэ. Кыайыылаахтарга олохтоох дьаһалта грамоталары туттарда, тэрээһин уопсай хаартыскаҕа түһүүнэн түмүктэннэ. Ким да умнуллубат, туох да умнуллубат.
