Олунньу 27 күнүгэр «Түмсүү» норуот айымньытын киинигэр Саха республикатын Государственнай филармониятын «Arco ARTico» струннай ансаамбыла «Истории, ставшие музыкой» гастрольнай бөлөҕө аан бастакытын биһиги нэһилиэккэ ыалдьыттаата. Кэнсиэргэ классика музыкаттан саҕалаан аныгы музыкаларга тиийэ, биллэр киинэ саундтректарын оонньоон дьон-сэргэ бол5омтотун тартылар. Түмүккэ Бороҕон нэһилиэгин баһылыгын эбээһинэһин толорооччу Копырин Константин Михайлович бөлөх салайааччытыгар Дедюкин Артем Семеновичка, Тютрина Светлана Николаевнаҕа махтал суруктары, өйдөбүнньүк бэлэхтэри туттарда. Биир дойдулаахпыт Тютрина Светлана Николаевна махтанан «Түмсүү» норуот айымньытын киинин директорыгар Сухонина Анастасия Егоровнаҕа махтал сурук туттарда. Сонун, сэргэх кэнсиэри көрөөччүлэр астына -дуоһуйа иһиттилэр, дууһалыын сынньаннылар, ытыстарын тыаһын бэлэхтээтилэр. Нэһилиэк олохтоохторо артыыстары кытта өйдөбүнньүк хаартыскаҕа түстүлэр, хаьан да буолбатах кэнсиэри бэлэхтээбиттэригэр махтал тылларын эттилэр.
