Муус устар 27 күнүгэр Саха Өрөспүүбүлүкэтин Судаарыстыбаннаһын күнүн көрсө Бороҕон нэһилиэгин тэрилтэлэрэ күргүөмүнэн субуотунньукка таҕыстылар. Ол курдук олохтоох дьаһалта, ДьУоКХ эр дьонноро саҥа ветеринария дьиэтин тутуутугар көхтөөхтүк үлэлээтилэр. Ветеринария коллектива үлэһиттэри итии, минньигэс аһынан аһаттылар. Тумул орто оскуолатын коллектива «Кыайыы түһүлгэтэ» болуоссат территориятын, оҕо былаһааккатын хомуйдулар. «Түмсүү» сынньалаҥ киин коллектива парка күрүөтүн эргиччи өрөмүөннээтилэр. Балыыһа, олохтоох дьаһалта коллектива ытык сиргэ «Собоһут аартыгар» ыраастааһын үлэтигэр сырыттылар. Бары биир сомоҕо буолан үлэлэлиэҕиҥ-хамсыаҕыҥ, саха буоларбытынан киэн туттуоҕуҥ.
