Тохсунньу 8 күнүгэр «Түмсүү» сынньалаҥ киинигэр Ороһуоспа дьоро күнүнэн «Аал уот» аҕам саастаахтар, «Көмүлүөк» үһүс саас оскуолата Дүпсүн нэһилиэгин ветераннарын кытта көрүстэ. Нэһилиэк аҕам саастаахтара кэлбит ыалдьыттары сахалыы сиэринэн-туомунан алаадьынан, кыынньа сылдьар уохтаах кымыһынан айах тутан, уруйдаан-айхаллаан көрүстүлэр, ол кэннэ «Арчы» дьиэтигэр алгыс сиэрэ-туома ыытылынна. Алгысчыт «Аал уот» аҕам саастаахтар салайааччылара Черкашин П. Е. Фойеҕа «Аал уот» аҕам саастаахтар, «Көмүлүөк» үһүс саас оскуолатын үлэтин-хамнаһын кэпсиир выставка туруорулунна. Выставканы сырдатта олохтоох библиотекарь, «Көмүлүөк» үһүс саас салайааччыта Прудецкая С. А. Олохтоох тумэл улэтин кэлбит ыалдьыттарга билиьиннэрдэ Протопопова З.И. Тэрээһин торжественнай чааһыгар нэһилиэк аҕа баһылыга Алексеев В. П. бырааһынньыктааҕы эҕэрдэ тыла, үбүлүөйдээх аҕам саастаахтары чиэстээтэ, наҕараадалаата. «Аал уот» аҕам саастаахтар түмсүү салайааччыта Черкашин П. Е. Дүпсүн нэһилиэгин ветераннарын түмсүүтүн салайааччыта Ульяна Ильинична бырааһынньыгынан эҕэрдэлээтилэр. «Көмүлүөк» үһүс саас оскуолата сахалыы таҥас, бэйэлэрэ оҥорбут кылынан сапсыыка, тэбитиэйкэ дефилетын көрдөрдүлэр. Бырааһынньыктааҕы остуол тула аҕам саастаахтар ирэ-хоро кэпсэтэн, үлэ опытын атастаһан ыллаан-туойан, баянынан үҥкүү-битии, араас көрдөөх оонньуулар оонньоннулар. Бырааһынньыктааҕы остуолу иилээн-саҕалаан ыытта Элэһин кулуубун уус-уран салайааччыта Соловьев И. С. Бырааһынньык интэриэһинэй күрэҕинэн Бал-баскарад бэрт көхтөөхтүк элбэх киһини хабан ыытылынна. Бастакы миэстэни ылла Дүпсээттэн сылдьар ыалдьыппыт, икки иккис миэстэ, үс үһүс миэстэ ананнылар. Кыайыылаахтарга сыаналаах бириистэр туттарылыннылар, ону тэҥэ Бал-маскарад күрэҕэр кыттыбыт аҕам саастаах дьоммутугар бука барыларыгар биһирэбил бириис туттарылынна.Маскарад курэ5эр оьуохай этилиннэ, таьаарааччылар З.И.Протопопова уонна ыалдьыппыт Дупсээттэн сылдьар оьуохайдьыт. Саҥа үүммүт сылынан Тымныы Моруос оҕонньор, сиэнэ кыыс Хаарчаана, бу сыл бэлиэтэ Моҕой эҕэрдэлэрэ, харыйа тула хоровод, ырыа-тойук ылланна. Тэрээһинтэн дуоһуйа астыннылар, оонньоон көрүлээн, үлэ опытын атастаһан, түмүккэ уопсай хаартысканан түһүүнэн тэрээһин түмүктэннэ. Кэлбит ыалдьыттар Кыайыы туьулгэтигэр баран керен-истэн сехтулэр, хаартыска5а тустулэр.
