Сэтинньи ый 28 күнүгэр «Түмсүү» норуот айымньытын киинигэр Олоҥхо уонна Хомус декадатын чэрчитинэн «Өбүгэ ситимин удьуордаан» фольклор дьоро киэһэтэ, кэнсиэр тэрилиннэ. Саха төрүт үгэһин тутуһан ырыа-тойук ылланна, хомус дьурүскэн дорҕооно дьүрүһүйдэ, саха норуотун тылынан уус-уран айымньытын саамай үрдүкү чыпчаала омуннаах олоҥхо этилиннэ. Дьоро киэһэ Светлана Иванова алгыһыттан саҕаланна. Кэнсиэргэ кыттыыны ыллылар: «Далбар» дьахталлар ансаамбыллара, салайааччы Васильев А. Н., «Дьүрүлгэн» фольклорнай бөлөх салайааччы Софронова Р. Е., «Дьүрүйэчээн» фольклорнай бөлөх салайааччы, Петрова В. П, «Арылы» 3 кылаас олоҥхо толорооччуларын бөлөҕө, сал. Сокольникова А. С., Аввакумова Л. М., «Тумулчаана» уһуйаан иитиллээччилэрин «Сэһэн сиэннэрэ» олоҥхо бөлөҕө, салайааччылар Алексеева Нь. П., Петухова П. М.,»Тэтим» фолькорнай ансамбыл, «Татыйык» кыргыттар ансаамбыллара, салайааччы Габышева Т. Г., «Дьүөгэлиилэр» дьахталлар ансаамбыллара, сыана ветераннара Анна Алексеева, Василий Новоприезжий, ону таһынан биирдиилээн ырыаһыттар норуот ырыаларынан киэһэни киэргэттилэр. Тэрээһин күргүөм оһуохайынан, уопсай хаартыскаҕа түһүүнэн түмүктэннэ. Сахабыт төрүт ырыата-тойуга ыраахха диэри дуорайдын, үйэлэри уҥуордаатын.
