Бэс ыйын 26 күнүгэр «Түмсүү» сынньалаҥ киинигэр нэһилиэкпитигэр «Көмүлүөк» үһүс саас оскуола тэриллибитэ 10 сыллаах үбүлүөйдээх тэрээһинэ ыытылынна. Дьоро күн ыалдьыттыы кэллилэр Уус-Алдан улууһун үһүс саас оскуола салайааччыта, Саха республикатын культуратын туйгуна Готовцева Матрена Гаврильевна салайааччылаах делегация, Найахы нэһилиэгиттэн талба талааннаахтар «Утум» түмсүү чилиэттэрэ, салайааччы Саха Республикатын үөрэҕириитин туйгуна, Саха республикатын Учууталлар учууталлара, Уус-Алдан улууһун Найахы нэһилиэгин Бочуоттаах олохтооҕо, Уус-Алдан улууһун норуотун маастара Чукрова Галина Алексеевна. Талба талааннаах «Көмүлүөк» үһүс саас оскуолатын чилиэннэрэ, Найахы нэһилиэгин «Утум» түмсүү уус-уран выставката тэрилиннэ, бииртэн биир кэрэ оҥоһуктары сөҕө, кэрэхсии көрдүлэр. Тэрээһин үөрүүлээх чааһыгар Бороҕон нэһилиэгин Аҕа баһылыга Алексеев Василий Петрович 10 сыллаах үбүлүөйнэй тэрээһининэн эҕэрдэтэ, махтал суруктары, наҕараадалары туттарда, эҕэрдэ ырыатын анаата. Маны таһынан «Көмүлүөк» үһүс саас оскуолатын салайааччыта Прудецкая Светлана Александровна, ыҥырыылаах кэлбит ыалдьыттар, «Аал уот» аҕам саастаахтар түмсүүлэрэ, «Түмсүү» сынньалаҥ киин директора Сухонина Анастасия Егоровна үөрүүлээх күнүнэн эҕэрдэ тылларын эттилэр. «Көмүлүөк» үһүс саас оскуолатын чилиэннэрин музыкальнай эҕэрдэлэрэ, өбүгэ мандар ииһин сөргүтээччи Габышева Анастасия Гаврильевна саха таҥаһын, иистэрин, Стрекаловская Сардаана Иннокентьевна салайааччыллаах кыл-сиэл алыбын дефилелара. Тэрээһин үрдүк таһымҥа ааста, түмүккэ уопсай хаартыскаҕа түстүлэр, бырааһынньыктааҕы остуол тула ирэ-хоро кэпсэтэн, үлэ опытыттан санаа атастастылар.
https://wp.me/pcO1SK-1Ld
