Алтынньы ый 3 күнүгэр «Кыайыы түһүлгэтэ» болуоссакка «Күһүҥҥү киһи күлбүтүнэн» нэһилиэк оҕуруот аһын үүннэрээччилэрин күһүҥҥү дьаарбаҥката тэрилиннэ. Тэрээһин үөрүүлээх аһыллыытыгар Бороҕон нэһилиэгин солбуйар баһылыга Протопопов М. С., тыа хаһаайыстыбатын специалиһа Егоров Л. С. нэһилиэк дьонун эҕэрдэлээтилэр. Биирдиилээн оҕуруот аһын үүннэрээччилэргэ анаан «Муҥур улахан» күрэххэ моркуоп, кабачок, хортуоппуй, сүбүөкүлэ, оҕурсу көрүҥнэригэр күрэхтэһэн кыайыылаахар быһаарылыннылар. Оҕуруот аһынан оҥоһук көрүүтүн күрэҕэр 1 миэстэни ылла Габышева Ф. С. иккис миэстэни ылла Габышева А. Г. Быыстапка дьаарбаҥкаҕа оҕуруот аһын үүннэрээччилэр нэһилиэк дьонугар сибиэһэй, битэмииннээх аһы, үрүҥ аһы атыылаан эбии дохуот киллэриннилэр. Түмүккэ кыайыылаахтарга олохтоох дьаһалта баһылыга Алексеев В. П. олохтообут бириистэрин тутаннар, уерэн-кетен тарҕастылар.
