Балаҕан ыйын 24 күнүгэр Арыы-Тиит уч. кэрэ аҥардарга анаан «Күһүҥҥү Далбар» диэн көмүс күһүнү көрсө 5 түһүмэхтээх күрэх тэрилиннэ. Кыттыыны ыллылар Алексеева Любовь Гаврильевна, Татаринова Сусанна Прокопьевна, Кылаева Устинья Николаевна. Бастакы түһүмэххэ кыттыылаахтар күһүҥҥү айылҕаҕа хаартыскаҕа түстүлэр, иккис түһүмэххэ дөлүһүөн хомуйдулар, үһүс түһүмэххэ айылҕа матырыйаалыттан букет, төрдүс түһүмэххэ «Күһүҥҥү Далбар» диэн тылтан тыл таһаардылар, бэһис түһүмэххэ күһүн туһунан хоһоон айдылар. Күрэх кыайыылааҕынан 1 миэстэни ылары ситистэ Алексеева Любовь Гаврильевна, иккис миэстэ Татаринова Сусанна Прокопьевна, үһүс миэстэ Кылаева Устинья Николаевна. Тэрээһин бэрт көхтөөхтүк тэриллэн үөрэн-көтөн, астынан уопсай хаартыскаҕа түһүүнэн түмүктэннэ.
