Балаҕан ыйын 26 күнүгэр Уус-Алдан улууһун киинигэр В. В. Никифоров-Күлүмнүүр аатынан «Тойон Мүрү» культура дыбарыаһыгар «Күн эйгэ» диэн улуус иһинээҕи культура үлэһиттэрин икки ардыларыгар бастыц кулууп улэьитэ сүүмэрдиир күрэҕэ тэрилиннэ. Күрэххэ уопсайа 5 кулууп специалистара 4 түһүмэххэ илин-кэлин түһүстүлэр. Ол курдук биһиги нэһилиэктэн «Түмсүү» с/к специалиһа Василий Копырин, Уус-Күөлүн «Сандал» сынньалаҥ киинин специалиһа Милена Рязанская, А. П. Петров аатынан Бэйдиҥэтээҕи норуот айымньытын киинин директора Игнатий Слепцов, В. В. Никифоров-Күлүмнүүр «Тойон Мүрү» культура дыбарыаһын специалиһа Александр Гоголев, В. Д. Лонгинов аатынан Тандатааҕы норуот айымньытын специалиһа Екатерина Готовцева кыттыннылар. Күрэх түмүгүнэн Александр Гоголев, Екатерина Готовцева кыайыылааҕынан тахсаннар алтынньы 3 күнүгэр республиканскай «Күн эйгэ» бастыҥ кулууп үлэһитэ күрэххэ Уус-Алдан улууһун культуратын үлэһиттэрин чиэһин көмүскүөхтэрэ. Күрэх кыттыылаахтара харчылаах сертификаттарынан наҕараадаланнылар, тэрээһин уопсай хаартыскаҕа түһүүнэн түмүктэннэ.
