Сэтинньи 8 күнүгэр «Түмсүү» сынньалаҥ киинигэр Ил, Эйэ, Сомоҕолоһуу, Комсомол тэриллибитэ 106, Октябрьскай революция 107 сылларынан «Сомоҕолоһуу биһиги күүспүт» нэһилиэк тэрилтэлэрин икки ардыларыгар күрэх тэрилиннэ. Кыттыыны ыллылар: Олохтоох дьаһалта хаамаандата, В. М. Прокопьев аатынан Тумул орто оскуолатын хамаандата, «Тумулчаана» оҕо саадын уһуйаана, «Аал уот», «Көмүлүөк» үһүс саас оскуолатын хамаандата. Хамаандалар 5 түһүмэххэ илин-кэлин түһүстүлэр. Күрэҕи дьүүллээтилэр «Көмүлүөк» үһүс саас оскуолатын, сельскай модельнай библиотека салайааччыта Прудецкая С. А., «Аал уот» аҕам саастаахтар түмсүүлэрин салайааччыта Черкашин П. Е, Тумул орто оскуолатын иитэр үлэҕэ завуһа Петров Е. Д. Күрэх түмүгүнэн «Аал уот» аҕам саастаахтар, «Көмүлүөк» үһүс саас хамаандата кыайыылааҕынан таҕыста. Күрэх кыттыылаахтара, кыайыылаах хамаанда сыаналаах бириистэринэн, грамотанан наҕараадаланнылар. Биэчэри ырыанан киэргэттилэр Василий Копырин, «Күөрэгэйдэр» ырыа бөлөҕө, «Туйма» эр дьон уолаттара.
