Олунньу 23 күнүгэр Элэһин учаастагар Аҕа дойдуну көмүскээччилэр күннэригэр аналлаах тэрээһин ыытылынна. «Мичилий» дьахталлар түмсүүлэрин чилиэттэрэ, салайааччы Попова Варвара Михайловна, күүстээх аҥардарга анаан араас көрдөөх оонньуулары оонньоттулар, бырааһынньыктааҕы минньигэс аһынан күндүлээтилэр. Школа — саад оҕолоро ырыанан эҕэрдэлэрин тиэртилэр. Элэһин СК уус-уран салайааччыта Соловьев Ион Степанович күүстээх аҥардарга анаан остуол тенниһигэр күрэх тэрийдэ, кыайыылаахтарга анал бириистэри туттардылар. Бырааһынньыктааҕы тэрээһини ыыппыт кэрэ аҥардарга Элэһин учаастагын күүстээх аҥардарын аатыттан махталларын тиэртилэр. Тэрээһинтэн үөрэн-көтөн, астына-дуоһуйа сынньаннылар.
