Кулун тутар 8 күнүгэр «Түмсүү» сынньалаҥ киинигэр Аан дойду дьахталларын күнүнэн нэһилиэк күүстээх аҥардарын күүһүнэн «Истиҥ сүрэхтэн» бырааһынньыктааҕы эҕэрдэ кэнсиэр тэрилиннэ. Дьоро киэһэ нэһилиэк аҕа баһылыга Алексеев Василий Петрович эҕэрдэтиттэн саҕаланна, ол кэннэ кэрэ аҥардарга анаан сибэкки дьөрбөтүн бэлэх ууннулар. Бырааһынньыктааҕы тэрээһиҥҥэ ылбаҕай ырыалар ылланнылар, көрдөөх-нардаах сценкалар, соһуччу бэлэхтэр, оонньуулар оонньоннулар. Истиҥ кэнсиэр кэнниттэн күүстээх аҥардар бырааһынньыктааҕы фуршет тэрийдилэр. Кэрэ ацардар тэрээһинтэн астынан, дуоһуйан үөрэн-көтөн туран махтал тылларын эттилэр. Түгэнинэн туһанан нэһилиэк күүстээх аҥардарыгар умнуллубат киэһэни бэлэхтээбиккитигэр улахан махталбытын тиэрдэбит, куруутун бу курдук сомоҕолоһон түмсүүлээх буолун.
